سؤال وجواب حول جفاف البشرة

استعملت كريمات ترطيب كتير و بشرتى لسه جافة

السؤال هنا استخدمتى اى مرطب و ازاي؟
الجيل الجديد من مرطبات الجلد غنية بالسيراميد و فيتامين PP بتحافظ على الميا فى البشرة و بتعيد بناءها .
و لازم ندهن الكريم بكمية كافية على بشرة رطبة بعد الاستحمام ب3 دقائق و نكرراستخدامه كل ما البشرة تحتاج .

اعانى من خشونة مع جفاف فى الركب و الكعبين

اهم شىء عدم الاحتكاك بقدر الامكان بالنسبة للركب اما الكعبين فننصح بلبس احذية واسعة و ليست من النوع المفتوح من الخلف مع استخدام كريمات الجيل الثالث زي
Secalia AHA
او
Akerat cream
و طبعا ده على جلد رطب بالمياه ثم يتم لفه بالسلوفان لمدة ليلة كاملة لضمان افضل نتائج
و خلال اليوم مهم جدا الترطيب المستمر زي ما قولنا على بشرة ندية

ببقى محتاره وانا باختار الكريم المرطب

زمان كنا منعرفش الا الجليسرين .
بس دلوقتى فى انواع جديدة من الكريمات المرطبة غنية بفيتامين PP اوالسيراميد بتعيد بناء البشرة .
و استعمال الكريمات المرطبة مش بس بتعالج جفاف البشرة لكن كمان بتأجل من ظهور الخطوط الدقيقة و التجاعيد .

بشرة بنتى جافة جداً .. وبتقشر

جفاف البشرة ممكن يكون مكتسب او وراثى .
وفى الحالتين بننصح باستخدام كريمات مرطبة اللى بتعيد بناء البشرة barrier cream الغنية بفيتامين PP و السيراميد .
مع الاستخدام اليومي لصابونة غنية بالزيوت خالية من العطر .
والملابس لازم تكون قطن و ابعديها عن اى روايح او عطور ممكن تسبب لها حساسيه .

بشرتى جافة .. أعمل إيه ؟؟

بشرتك محتاجه تغذية سواء عن طريق الفم او عن طريق المستحضرات الموضعية .
لازم

- نشرب ميا بكميات كبيرة .

- ناكل خضار و فاكهة و الاكلات الغنية بفيتامين أ و زيت كبد الحوت .

- و ضرورى نستخدم مرطبات الجلد الغنية بالسيراميد و حامض الهيالورونيك .

- والصابون الغنى بالزيوت عشان يمد البشرة بالدهون اللى محتاجاها .

بشرتى نشفت من علاج حب الشباب ؟؟

معظم علاجات حب الشباب و خاصة اللى بتتاخد عن طريق الفم بتسبب جفاف فى البشرة و الشفتين .
اما مع بداية العلاج او بعد فترة عشان كده لازم نستخدم مرطبات الجلد وكريمات الشمس من بداية العلاج .
و مهم تكون الكريمات دى مناسبه للبشرة الدهنية عشان متزودش الحبوب .

بشرتي جافة ..... وخايفة من التجاعيد

البشرة الجافة اكثرعرضة لظهور التجاعيد فى سن صغيرمقارنة بالبشرة الدهنية .
وعشان ناخرظهورالتجاعيد لازم نستعمل كريمات مرطبة يوميا مع استخدام واقى الشمس المناسب للبشرة الجافة CREAM ده مع الحرص على التعذية السليمة الرياضة والابتعاد عن التدخين .

تشققات الكعبين مضايقانى

اهم سبب لتشققات الكعبين اننا مبنشفش رجلينا كويس .
ودايما بننصح باستخدام كريمات مرطبة غنية باحماض الفواكة او اليوريا اللى بتشيل طبقات الجلد الميتة و تكون طبقة صحية خالية من التشققات .
وضرورى نلبس شراب قطن فوق الكريم عشان نزود امتصاصه فى طبقات الجلد الداخلية .

جفاف اليد في الشتاء ما علاجه

حاولى متتعرضيش لمنظفات او صابون قدر الامكان

متسيبيش المياه على ايدك و لكن قومى بتجفيفها بالطبطبة

و بعدين ادهنى كميات وفيرة من

Avene cold cream hand cream

و كرريه عند الحاجه

علاج لجفاف البشرة مع العلم ان بها اثار حب شباب بس مش فيها حب شباب

بالنسبة لجفاف البشرة اللى فيها اثار حب شباب تستعمل
Atoderm POZn
يومياً

عوزة من الدكتور أسما الكريمات المرطبه للبشره الحساسه

بالنسبة لكريمات ترطيب البشرة الحساسة ننصح بـ
Sensibio